E nai ka 15/2/97 oya na Vakarauwai a vakatikori kina vakavanua ko Rev Samisoni Mainaiqoro mera sa i sevu ni Talatala ni Tabacakacaka ko Navuloa ena 11am. A veikau mai ko Tuiraralevu ni Wasewase ko Davuilevu ko Simione Dusilele kei iratou na Qase ni tolu na valenilotu ena Tabacakacaka ko Davuilevu. A mai tubera kina na kamunaga ni nodra tataunaki na i sevu ni Talatala e Navuloa ko Simione Dusilele na Tuiraralevu ni Wasewase ko Davuilevu. A ciqoma na kamunaga ni veitataunaki oqo ko Laisiasa Rokodi ka qai kaciva ko Peni Moceituba. A qai tubera ko Peni Moceituba e dua tale na kamunaga mera sa ciqomi kina vakavanua na i lesilesi ni Bose ko Viti.
E talei na soqo oqo baleta ni se vo toka e dua na vula mera tadu mai na i sevu ni Talatala era sa vakatikori oti na i sevu ni Tuiraralevu e Navuloa ena Siga Tabu(12/1/97) ena 10.30am. Na yacana ko Uraia Lesu mai Qarani, Gau, Lomaiviti.
Na lotu ni nona vakatikori na Tuiraralevu e qarava ko Rev Samisoni Mainaiqoro me vaka nira a saumi vale tiko na i Wasewase ko Davuilevu ena loma ni tikotiko ni lotu e Navuloa.
Vinaka.
Tuirara Levu Navuloa - Samuela Moceituba